ചിക്കന്‍ കട്ട്ലറ്റ് (Chicken Cutlet)
ഷാലോ അല്ലെങ്കില്‍ ഡീപ്പ് ഫ്രൈ ചെയ്ത് എടുക്കുന്ന ഈ ചിക്കന്‍ കട്ട്ലറ്റിന്റെ രുചി ഒന്ന് വേറെ തന്നെ, വൈകുന്നേരം കഴിക്കാവുന്ന വളരെ രുചിയ ഒരു നാലു മണി പലഹാരം ആണിത്.
- Prep Time15 min
- Cook Time10 min
- Total Time25 min
- Yield8
ചേരുവകള്‍
For the burger
- 500 ഗ്രാം ചിക്കൻ
- 1 കപ്പ്‌ ബ്രഡ്ക്രംബ്സ്
- 1 ടേബിൾ സ്പൂൺ വിനാഗിരി
- ആവശ്യാനുസരണം ഉപ്പ്
- 2-3 ടീസ്പൂണ്‍ കുരുമുളക് പൊടി
- 1/2 ടീസ്പൂണ്‍ മഞ്ഞപ്പൊടി
- 2 ഉരുളക്കിഴങ്ങ് (വേവിച്ച ശേഷം ഇടിച്ചത്)
- 2 സവാള അരിഞ്ഞത്
- 3-4 പച്ചമുളക് അരിഞ്ഞത്
- 2 ടീസ്പൂണ്‍ ഗരം മസാലപ്പൊടി
- 2-3 ടീസ്പൂണ്‍ മല്ലിയില അരിഞ്ഞത്
- 2 ടീസ്പൂൺ കറിവേപ്പില അരിഞ്ഞത്
- 1 ടീസ്പൂണ്‍ ഇഞ്ചി വെളുത്തുള്ളി പേസ്റ്റ്
- വറുക്കാന്‍ ആവശ്യമായ എണ്ണ
തയ്യാറാക്കുന്ന വിധി
1
ആദ്യം ഉരുളക്കിഴങ്ങ് വേവിക്കുക. തൊലി കളഞ്ഞ് മാറ്റി വയ്ക്കുക.
2
ചിക്കനിൽ (എല്ലുള്ള കഷ്ണങ്ങള്‍) കുരുമുളക് പൊടി, ഉപ്പ്, 1 ടേബിള്‍സ്പൂണ്‍ വെളിച്ചെണ്ണ , 1 ടീസ്പൂണ്‍ ഇഞ്ചി വെളുത്തുള്ളി പേസ്റ്റ് എന്നിവ ചേർത്ത് ചിക്കൻ സ്വർണ്ണ നിറമാകുന്നതുവരെ ഇടത്തരം ചൂടിൽ വെള്ളം ചേർക്കാതെ വേവിക്കുക.
3
ഇത് തണുത്തതിന് ശേഷം ചിക്കൻ നുറുക്കി എടുക്കുക.
4
അതേസമയം പാനിൽ എണ്ണ ചൂടാക്കുക. ഇഞ്ചി, പച്ചമുളക്, കറിവേപ്പില എന്നിവ ചേർത്ത് വഴറ്റുക. അരിഞ്ഞ ഉള്ളി ചേർത്ത് വഴറ്റുക. മഞ്ഞൾപ്പൊടി, ഗരം മസാല കുരുമുളകുപൊടി, മല്ലിയില എന്നിവ ചേർത്ത് 3-4 മിനിറ്റ് വഴറ്റുക.
5
ഇപ്പോൾ നുറുക്കിയ ചിക്കനും 1 ടീസ്പൂൺ വിനാഗിരിയും ചേർത്ത് കുറഞ്ഞ തീയിൽ 6-8 മിനിറ്റ് പൊരിച്ച് എടുക്കുക. ഇത് പൂർണ്ണമായും തണുത്തതിനുശേഷം ഉരുളക്കിഴങ്ങ് ചിക്കനിൽ ചേർത്ത് നന്നായി ഒരുമിപ്പിക്കുക. ആവശ്യമെങ്കിൽ ഉപ്പും കുരുമുളക് പൊടിയും ക്രമീകരിക്കുക.
6
ഇനി കടിലറ്റ് ഷേപ്പ് ചെയ്യുക. ശരിയായ ഷേപ്പ് ആക്കാൻ പറ്റുന്നില്ല എങ്കില്‍ വേവിച്ച ഒരു ഉരുളക്കിഴങ്ങ് കൂടി ചേർക്കുക.
2 മുട്ടയും 2 ടീസ്പൂൺ മൈദ ചേർത്ത് അടിക്കുക. കട്ട്ലറ്റ് മുട്ടയിലേക്ക് മുക്കുക, ബ്രഡ്ക്രംബ്സ് ഉപയോഗിച്ച് കോട്ട് ചെയ്യുക.
7
ശേഷം ഈ കട്ട്ലറ്റുകൾ ഷാലോ അല്ലെങ്കില്‍ ഡീപ്പ് ഫ്രൈ ചെയ്ത് എടുക്കാം നിങ്ങള്‍ക്ക് ഇഷ്ടമുള്ള എണ്ണയില്‍. വെജിറ്റബിള്‍ ഓയില്‍ ആണ് അഭികാമ്യം.
രുചികരമായ കട്ട്ലറ്റ് തയ്യാർ. തക്കാളി സോസ്ന്റെ കൂടെ വിളമ്പാം.
കടപ്പാട് : Ammu’s Life
